مرحبا اخباركم....
بعطيكم طريقة عمل صينية باشميل بالخضار إنما ايه راح تاكلوا اصابعكم وراها
تصلح لرمضان وتعتبر من الاطباق الرئيسيه
المقادير
كاس جزر مقطع قطع صغيره ومقلي بالزيت " يعني كاس الجزر بعد القلي مو قبل القلي "
2 كاس بطاطس مقطع قطع صغيره ومقلي بالزيت " " " " "
كاس زهره او قرنبيط
كاس كوسى
كاس باذنجان
المهم انك بعد ماتقلين تحاولين تنشفين و تتخلصين من اكبر كميه من الزيت اللي يطلع مع القلي
*******************************
مقادير البشاميل
كاس دقيق
اصبع زبده
تقريبا 5 كاسات ماء وتذوبين فيها 3 ملاعق او اربع حليب نيدو وتضيفين
لها ملعقه صغيره فلفل ابيض وملعقه صغيره هيل مطحون طبعا ورشة ملح على حسب الرغبه
******************
طريقة عمل البشاميل
نذوب الزبده من غير ما تحترق ونضيف لها الدقيق تحرك حركه سريعه علشان ما يحترق الدقيق
وبعد ماتتحين ان ريحة الدقيق طلعت تضيفين الحليب وتحركينه حركه سرييعه الى ان يتماسك
وطبعا سماكة البشاميل على حسب رغبتك تحبيها ثقيله او خفيفه نوعا ما على راحتك يعني
******************
مقادير الحشوه
دجاجه مسلوقه وقطعه قطع صغيره
3 بصلات مقطعه قطع صغيره
2 فلفل اخضر متوسط الحراره
شوية زيت للقلي
طريقة عمل الحشوه
نضيف البصل على الزيت حتى يحمر ثم نضيف له قطع الدجاج والفلفل ويضاف له حبة ماجي
وشوية فلفل ابيض
*********
ترتيب الصينيه
الطبقه الاولى تكون الخضار المقليه ونضيف لها جزء بسيط من البشاميل ونحركها على شان نخليها تتماسك اشويه
ونساويها
وبعدين نضيف حشوة الدجاج ونساويها
واخر شي نضيف البشاميل ونساويه وبعده نضيف له جبن مبشور مو زاريلا مع جبن شدر مبشور
ونتركهم بالفرن لين يذوب الجبن ويتحمر اشويه ونطلعها ويفضل نتركها تبرد اشويه علشان ماتتماسك
وبالهناء والعافيه
اتمنى تعجبكمـ
