السالفه ومافيها كان الزوج مع زوجته جالسين احلا جلسه باليل وسهرانين والجو على قولتهم شاعري فتخبرون كثير زوجات تستغل السهره هاذي مادام زوجها رايق وتسئله انت تحبني ؟؟ بالرغم ان الزوجه يمكن تسال زوجها هالسؤال في الاسبوع عشر مرات بس طبيعي وغريزه في النساء تحب كل فتره تشوف غلاها عند زوجها وتحب تسمع كلمة احبك من زوحها المهم لما سالت زوجها وقالت له انت تحبني ؟؟ الزوج كان رايق وحب يسوي مفاجئه لزوجته وقال لها بصراحه انا احب النص الاول فيك الزوجه ثارت عليه وقالت انت ماتحبني ومن هالكلام وخربتها وقالت اصلن حتى انا ماحبك وطبعا الزوجه تحب زوجها بس حت تنتقم المهم صارت بينهم مشكله كبيره بغت توصل للطلاق ولكن الزوج كان هادي شوي وطلع المهم هو واحد من الزملاء دق علي وجاني وقال لي المشكله فقلت له ليه قلت لها احب نصك الاول قال كنت اتمنى بدال ماتتسرع وتقول انا ماحبك تمنيت تقولي اذا انت تحب نصفي الاول طيب ونصفي الثاني يقول كنت بقولها ونصفك الثاني اموت فيه حبيت اغير في الاجابه ومن روتين الاجابه ولكنها تسرعت طبعا هديت الوضع وقلت له لاتلومها يمكن هي متسرعه ومن هالكلام قلت له ارسل لها مسج الحين وقل لها واحلف انك كنت تتمنى انها قالت نصفي الثاني وراح اقولك اموت فيها بس انتي تسرعتي وارسل لها شوي الا ردت وقالت حتى انا اموت فيك ولا عليك من كلامي بس من القهر قلت ماحبك وسامحني لاني تسرعت ورجعت الامور لطبيعتها ..
الي اقصده من هالسالفه انو كثير من الزوجات الله يهديهم متسرعات في احكامهم على امور كثيره في حياتهم الزوجيه وهاذا يسبب لهم المشاكل ومرات توصل للطلاق فنصيحه لكل زوجه انها تحاول تعود نفسها على الصبر وطولة البال ولا تتسرع في تفكيرها واحكامها وذكرني هالموضوع بواحد من الشباب يوم الخميس الساعه 10 باليل قال لزوجته انا بطلع وبجي بعد ساعه قالت انت بتروح لاصدقائك وتاركني ومن هالكلام المهم طلع ورجع بعد ساعه واعطاها الهديه عباره عن جوال اخر موديل فقالت سامحني ظلمتك وانت رايح تشتري لي هديه